Il progjet al pô jessi fat intes singulis classis o a classis viartis.
Ogni consei di classe al proviodarâ di inserî i modui progjetats pes singulis classis o a grops di fruts.
Lis leziôns si fasàran amancul par dôs oris par setemane, in dut 30 - 33 oris par classe.
Il cors al è dividût in dôi modui:

• il prin si fasarà soredut inte scuele ancje cui espiartis;
• il second al purtarà i fruts a fa gjitis di istruzion par fâ provâ une esperience concrete su chel che a àn podût imparâ a scuele.

Lis lenghis veicolars dopradis a saràn l'Italian e il Furlan, a seconde des competencis dai insegnants.
Intes classis primis al sarà garantît il Furlan pe presince inte scuele medie di Tresesin di trê profesôrs cun buinis competencis lenghistichis di Furlan.
La scuele e scugnarà proviodi di meti su une biblioteche di tescj par furlan, di libris su la storie, la gjeografie e la culture furlane, di vocabolaris gnûfs e vie indenant.

• Fâ nassi intai fruts l'interès pal propi ambient e lis propris lidrîs.
• Dâ i struments par podê studiâ ben i argoments tratâts.
• Dâ ai students un esempli clâr di societât multiculturâl: jessi sigûrs che la proprie culture e rind disponibij e viartis a chei altris.
• Bandonâ il model di une culture furlane puare e no buine di frontà ancje argoments impuartantis.
• Rindi plui alt il livel culturâl dai students.
• Alfabetizâ in grafie uficiâl furlane.